ကိုယ့်ကိုယ်ကို သတ်သေခါနီး ဖတ်ဖို့။


ဟေ့ ဒီမှာ! မင်းကိုယ်မင်း သတ်သေချင်နေသလား? ဒီစာလေးကို တစ်ချက်တော့ ဖတ်ကြည့်စမ်းပါ။

အရှည်ကြီးမဖတ်နဲ့ ငါးမိနစ်ပဲဖတ်။ ငါးမိနစ်ကျော်ရင် မင်းလုပ်ချင်တာ ဆက်လုပ်၊ ဟုတ်ပလား။

ငါ မင်းကို တရားမချဘူး။ မင်း စိတ်တွေ ပြောင်းလိုက်ပါလို့ မပြောဘူး။

ငါက ဓမ္မကထိကလည်း မဟုတ်ဘူး၊ ဆရာဝန်လည်း မဟုတ်ဘူး။ မင်းခံစားမှုမျိုးကို ထပ်တူ ခံစားဖူးသူတစ်ယောက်ပဲ။

မင်းဘယ်သူလဲ ဆိုတာ ငါမသိဘူး။ ဘာကြောင့် ဒီစာကို ဖတ်နေရလဲလို့လဲ ငါမသိဘူး။ ငါသိတာ တစ်ခုပဲ ရှိတယ်။

အခု မင်း ဒီစာကို ဖတ်နေတယ်၊ အဲဒါကောင်းတယ်။ ဘာလို့ ဖတ်နေရသလဲဆိုတော့ မင့်မှာ ဒုက္ခကြီးတစ်ခုခုရှိနေတယ် ဒါကြောင့်မင်းကိုယ်မင်း သက်သေဖို့ စဉ်းစားနေတယ်၊ ဟုတ်တယ် ဟုတ်။

တကယ်လို့ ဖြစ်နိုင်မယ်သာဆိုရင် အခု မင်းအနားငါ ရှိချင်လိုက်တာ။ မင်းနဲ့အတူ လာထိုင်မယ်၊ စကားတွေ အတူပြောမယ်။ တို့တွေ တစ်ယောက်မျက်နှာ တစ်ယောက်ကြည့်ပြီး ရင်ဖွင့်ပြောချင်တယ်။

ဒါပေမဲ့ ငါသိတယ်၊ အဲဒါ မဖြစ်နိုင်တော့ဘူး။

ကိုယ့်ကိုယ်ကို သတ်သေချင်တဲ့ သူတွေအကြောင်း အများကြီး ငါသိတယ်။ ဒါကြောင့် မင်းဘယ်လိုခံစားနေရသလဲဆိုတာ ငါတပ်အပ်နီးပါး ငါမှန်းလို့ရတယ်။ မင်း စာအရှည်ကြီး မဖတ်ချင်ဘူးဆိုတာလဲ ငါသိတယ်။

တိုတိုပဲ ငါရေးပါ့မယ်။ မင်းနဲ့သာ ငါးမိနစ်လောက် အတူရှိခွင့်ရမယ်ဆိုရင် ငါ မင်းကို လုပ်စရာလေး ငါးခုပဲ ဝေမျှချင်တာပါ။ မင်းကိုယ်မင်း သတ်သေချင်နေတဲ့ကိစ္စကို ငါမကန့်ကွက်ဘူး။ ဒါပေမဲ့ မင်း သိပ်နာနာကျင်ကျင် ခံစားနေရာတယ်လို့ ငါယူဆတယ်။

ကောင်းလိုက်တာ။ မင်းဆက်ဖတ်နေတာပဲ။ အရမ်းကောင်းတယ်။ မင်းသာ ဒီစာဆုံးတဲ့အထိ ဆက်ဖတ်ဖြစ်ရင် သိပ်ကောင်းမှာပဲ။ မင်းရဲ့စိတ်အတွင်းဆုံးပိုင်းထဲမှာ ချီတုံချတုံအတွေးကလေးတစ်ခုတော့ ရှိနေလိမ့်မယ်လို့ ငါထင်တယ်။

ဒါပေမဲ့ မင်းက မင်းဘ၀ကိုတော့ အဆုံးသတ်တော့မှာပဲနော်။ လူတွေ အဲဒီလို မကြာခဏ ခံစားရတတ်ပါတယ်။ ကိုယ့်ဘ၀ကိုယ် အဆိုးဆုံးဖြစ်သွားပြီလို့ စိတ်ပျက်သုဉ်းသွားတတ်တာမျိုးလေ။ ဒါပေမဲ့ ဒီလိုသေပစ်လိုက်ခြင်းဟာ အရာရာ အိုကေသွားမယ်လို့ မင်းထင်သလား? ပုံမှန်ဆုံးဖြတ်မှုလို့ မင်းထင်သလား? အနည်းဆုံးတော့ အခု မိနစ်ပိုင်းလေးတွေမှာ မင်း ဆက်အသက်ရှင်နေသေးတယ်။ အဲဒါ မင်းမှာ ဒွိဟစိတ်တွေရှိနေသေးတာကိုပြတာပဲ။ မင်းသေချင်နေတဲ့ တစ်ပြိုင်တည်းမှာပဲ မင်းမှာ ဆက်ရှင်သန်ချင်နေသေးတဲ့ စိတ်လည်း ရှိနေတယ်။ ဒါကြောင့် မိနစ်နည်းနည်းလောက် ဆက်သွားကြည့်ရအောင်။

ပထမဆုံး မင်းဒီစာကြောင်းလေးကို စဉ်းစားကြည့်လိုက်။

ကိုယ့်ကိုယ်ကို သတ်သေတာဟာ …

ရွေးချယ်မှု မဟုတ်ဘူး။

မင်းစိတ်ရဲ့ ခံနိုင်ရည်ထက်ပိုပြီး

နာကျင်ခံစားသွားရလို့ ဖြစ်တယ်။

ဒါပဲ။ မင်းဟာ လူဆိုးမဟုတ်ဘူး။ အရူးလည်း မဟုတ်ဘူး။ ပျော့ညံတဲ့သူ၊ အရှုံးပေးတတ်တဲ့သူလည်း မဟုတ်ဘူး။ ဘာလို့လဲ၊ မင်းသေချင်လောက်အောင် ခံစားနေရလို့။

ကဲ … အဲဒါကိုကြည့်စမ်း။ တကယ်တမ်း အမှန်တော့ မင်းသေချင်နေတာ မဟုတ်ပါဘူး။ မင်းခံနိုင်ရည်ထက်ကျော်လွန်ပြီး နာကျင်ခံစားနေရလို့ပါပဲ။

ငါ မင်းပခုံးပေါ် တပြုံတစ်ခေါင်းကြီး တင်လိုက်ရင် မင်းလဲပြိုကျသွားမယ်၊ မင်းဆက်ရပ်ချင်ချင် မရပ်ချင်ချင်ပေါ့။ စိတ်တန်ခိုးက ဒီနေရာမှာ ဘာမှသုံးစားမရဘူး။

တကယ်ပြောတာ။ မင်းတတ်နိုင်မယ်ဆိုရင် မင်းကိုယ်မင်း အားတက်အောင်လုပ်မှာပဲ။ ငါသိတယ်။

တခြားသူတွေပြောတာ ဂရုမစိုက်နဲ့။ ခံစားမှုဆိုတာ တစ်ယောက်နဲ့တစ်ယောက်တူတာ မဟုတ်ဘူး။ မင်းအတွက် သည်းမခံနိုင်တဲ့ကိစ္စဟာ တခြားတစ်ယောက်အတွက် အရေးမပါတာလည်းဖြစ်နိုင်တာပဲ။ တခြားတစ်ယောက်သေမလောက်ဖြစ်နေတာမျိုးကို မင်းဖို့ ဟားပစ်လောက်စရာဖြစ်ရင်လဲ ဖြစ်မှာပဲ။ လိုအပ်တာက မင်းရဲ့ ခံနိုင်ရည်အားနဲ့ မမျှအောင် ဘယ်လို ခံစားမှုမျိုး ရောက်လာသလဲဆိုတာပဲ။

မင်းဖို့ မခံမရပ်နိုင်လောက်တဲ့ ဝေဒနာရလာတဲ့အခါ ကိုယ့်ကိုယ်ကိုသတ်သေခြင်းဟာ ရလာဒ်အဖြစ်ထွက်ပေါ်လာရတော့တာပဲ။ ကိုယ့်ကိုယ်ကို သတ်သေတာဟာ မမှားဘူး၊ ဒါပေမဲ့ မမှန်ဘူး။ ဒါဟာ မင်းအကျင့်သိက္ခာချွတ်ယွင်းတာ မဟုတ်ဘူး။ ဒါဟာ ရရှိလာတဲ့ ဝေဒနာနဲ့ မင်းရဲ့ခံနိုင်ရည်တို့ ၀န်နဲ့အား မမျှတာပဲ။

ဒီအချိန်မှာ မင်း လုပ်သင့်တာ ၂မျိုးရှိတယ်။

က) မင်းရဲ့ ဝေဒနာ ဒုက္ခကို လျှော့ပါးစေဖို့ လုပ်ပါ။ ဒါမှမဟုတ်ရင်

ခ) မင်းရဲ့ခံနိုင်ရည်ကို တိုးအောင်လုပ်ပါ။

တကယ်တော့ ၂ခုလုံးကို မင်းလုပ်လို့ ရပါတယ်။

မင်းကို နည်းလမ်းလေးငါးခုပေးချင်တယ်။

၁) တခြားသူတွေ သူတို့ခံစားခဲ့ရဘူးတဲ့ အရမ်းဆိုးရွားတဲ့ ဒုက္ခဝေဒနာတွေကို ဘယ်လို ကျော်လွှားခဲ့ကြသလဲ? မင်း စူးစမ်းပါ။ အဲဒါ မင်း အသက်ရှင်ဖို့ အကောင်းဆုံး နည်းလမ်းပဲ။

ဒါ မင်းကို ကူညီနိုင်မယ်လို့ ငါမျှော်လင့်တယ်။

၂) မင်းကိုယ်မင်း အချိန်အပိုင်းအခြားလေးတစ်ခုတော့ ပေးပါ။ ငါ ဘာတစ်ခုမှ မလုပ်သေးပဲ ၂၄နာရီစောင့်ကြည့်မယ်။ ဒါမှမဟုတ် တစ်ပတ်စောင့်ကြည့်မယ်ပေါ့။ မှတ်ထားစမ်းပါ ခံစားမှုနဲ့ လုပ်ရပ်ဟာ မတူဘူး၊ တခြားစီ။

အခု မင်းကိုယ်မင်း သတ်သေချင်နေတာဖြစ်တယ်။ အဲဒါ အခု မိနစ်ပိုင်းအတွင်း မင်းလုပ်မှဖြစ်မယ်လို့ ဆိုလိုတာမှ မဟုတ်ပဲ။

မင်းရဲ့ ကိုယ့်ကိုယ်ကို သတ်သေချင်နေတဲ့ ခံစားမှုနဲ့ ကိုယ့်ကိုယ်ကို သတ်သေမယ့်လုပ်ရပ်ကြားမှာ အပိုင်းအခြားလေးတစ်ခုပဲ ထားပေးစမ်းပါ။ ၂၄နာရီလေးပါပဲ။ အခုတောင် ဒီစာဖတ်ရင်း မင်း ငါးမိနစ်လောက် ကျော်လာခဲ့ပြီလေ။

မင်းနောက်ထပ်ငါးမိနစ်ကိုလည်း ဒီစာဆက်ဖတ်နေရင်း ကျော်လွှားသွားနိုင်မှာပဲ။

ဆက်သွားရအောင်ပါ။ ငါနားလည်တယ်။ မင်းကိုယ်မင်း သတ်သေချင်နေတယ်၊ ဒါပေမဲ အဲဒီလုပ်ရပ်ကို မင်းမလုပ်ဖြစ်ဘူး၊ လောလောဆယ် အဲဒီလုပ်ရပ် မလုပ်ဖြစ်ဘူး။ ငါ ဒီ့အတွက် အားတက်လိုက်တာ။ မင်းအတွက် ငါ မျှော်လင့်ချက်တွေရှိလာပြီ။

၃) လူတွေဘာလို့ကိုယ့်ကိုယ်ကို သတ်သေသလဲ? ဝေဒနာခံစားရမှုတွေက `သက်သာ´ ရာရအောင်ဖြစ်တယ်။ မှတ်ထားစမ်းပါ။ သက်သာတယ်ဆိုတာ ခံစားမှုပဲ။ မင်းအသက်ရှင်နေမှ ခံစားလို့ရမယ်။ သေသွားရင် သက်သာတာကို မခံစားနိုင်တော့ဘူး။

၎) တစ်ချို့လူတွေက မင်းကိုယ်မင်းသတ်သေချင်နေတဲ့အကြောင်းသိသွားရင် သိပ်ဆိုးဆိုးရွားရွားတုန့်ပြန်လိမ့်မယ်။ ဘာလို့ဆိုတော့ သူတို့ ကြောက်လို့ ဒေါသထွက်လို့။ အဲဒီအခါမှာ သူတို့ရဲ့ အပြုအမူတွေဟာ မင်းကို ကူညီရာမရောက်ပဲ ဝေဒနာ ပိုတိုးလာအောင်လုပ်သလိုဖြစ်နေတတ်တယ်။

သူတို့ရဲ့ ဆိုးဆိုးရွားရွား တုန့်ပြန်မှုတွေဟာ သူတို့ကြောက်စိတ်ကြောင့်ဖြစ်နေကြောင်း နားလည်လိုက်ပါကွာ။ မင်းကြောင့်မဟုတ်ဘူး။

ဒါပေမဲ့ တစ်ချို့ကျတော့ မိုက်တယ်။ မင်းရဲ့ စိတ်ညစ်စရာအချိန်တွေကို အတူ ဖြတ်သန်းပေးတယ်။ မင်းကို အကဲမဖြတ်ဘူး၊ ခံမငြင်းဘူး၊ ဆေးရုံပို့ဖို့လည်း မလုပ်ဘူး။ မင်းခံစားရတာတွေ ပြောင်းလိုက်ပါလို့လဲ မပြောဘူး။ သူတို့က မင်းကို ဂရုစိုက်ရုံသက်သက်ပဲ။ အဲဒီလို လူစားမျိုးကို မင်းရှာပါ။

အခု။ မင်းရဲ့ ၂၄နာရီ။ ဒါမှမဟုတ် ဖြစ်နိုင်ရင် တစ်ပတ်လောက် မင်းနဲ့အတူ နေပေးဖို့ အဲဒီလို လူမျိုးကို ပြောပါ။ ဒါမှမဟုတ်ရင် မင်းအမေ၊ မင်းအဖွား၊ မင်းရဲ့ အချစ်ဆုံးသူငယ်ချင်း၊ မင်းအဖေ။ မင်းအမ၊ မင်းညီမ၊ မင်း ညီ တစ်ယောက်ယောက်ကတော့ ကူညီနိုင်လိမ့်မယ်လို့ ထင်တယ်။

တစ်ခုလေးပဲ မင်းတစ်ယောက်တည်းတော့ မနေလိုက်ပါနဲ့။ အခန်းလည်းအောင်းမနေနဲ့ အပြင်ထွက်စမ်းပါ။ မင်းဘ၀တလျှောက်လုပ်ချင်ရက်နဲ့ မလုပ်ဝံ့ခဲ့တာတွေ လုပ်ချပစ်လိုက်စမ်းပါ။

၅) ကိုယ့်ကိုယ်ကို သတ်သေတဲ့ ခံစားမှုဟာ ပရိဒေ၀မီးပဲ။ အဲဒီခံစားမှုထဲ နစ်ကျွံဝင်သွားတဲ့အခါ ကိုယ့်ကိုယ်ကိုပဲ အာရုံစိုက်မိတတ်တယ်။ ဒါကြောင့် မင်းတခြားသူတွေနဲ့ စကားပြောကြည့်စမ်းပါ။ အွန်လိုင်းပေါ်တက် Facebook Group Group တွေထဲ ၀င်ချင်ဝင်။ ချက်တင်ထိုင်ချင်ထိုင်။ မင်းပြောချင်ရာပြောကြည့်။ တစ်ယောက်မဟုတ်တစ်ယောက်တော့ အွန်လိုင်းမှာ ရှိနေလိမ့်မယ်။

အိုကေ။ မင်း ငါ့ကို အချိန် ပေးခဲ့တာပဲ။ ငါဒီ့အတွက် အရမ်းဂုဏ်ယူပါတယ်။

ဒီလိုမင်းလုပ်ခဲ့တဲ့အတွက် မင်းဆုလာဒ်တစ်ခုခံစားရမှာပါ။ ကဲ ငါအခု မင်းကို တန်ဘိုးအကြီးဆုံးလက်ဆောင်တစ်ခုပေးမယ်။ မင်းယူမလား။

တကယ်ပြောတာ။ ငါပေးမယ့် လက်ဆောင်က မင်းအတွက် တန်ဘိုးအထားဆုံးဖြစ်လိမ့်မယ်။ ငါက သိပ်ချမ်းသာလို့ မဟုတ်ဘူးနော်။ ဒါပေမဲ့ သိတယ်မဟုတ်လား၊ ငါက မိုက်တယ်လေ။

ငါပေးမယ့်လက်ဆောင်ကို သိချင်ပြီလား။ မြုံစိစိလုပ်မနေတော့ဘူး။ ပြောချလိုက်တော့မယ်။ အဲဒါ `မင်း´ ပဲ။ ဟုတ်တယ်၊ တကယ်ပြောတာ မင်းအတွက် `မင်း´ ဟာ တန်ဘိုးအကြီးဆုံးလက်ဆောင်ပဲ။

မင်းကိုမင်း လက်ဆောင်အဖြစ် ယူသင့်ပါတယ်ကွာ။

ငါအခု ပြောတာတွေက မင်းအတွက် စိတ်ခံနိုင်ရည်အားကို တက်စေလိမ့်မယ်လို့ ငါယုံတယ်။ အိုကေ ဒီ့အတွက် ငါသိပ်ဝမ်းသာတယ်။

နောက်ထပ် တခြားသူတွေနဲ့ စကားပြောကြည့်ပါဦး။ မင်းပိုပြီး နေသာထိုင်သာ ရှိလာမှာပါ။ မင်းပြောတာကို နားထောင်ပေးမယ့် သူတွေကို ရှာနော်။

တစ်ယောက်ထဲ မရှာနဲ့ အများကြီးရှာ။ မင်းဘယ်လို ခံစားနေရသလဲ မင်းဘာကြောင့် ခံစားနေရသလဲ။ အကုန်လျှောက်ပြောပစ်လိုက်။

ကဲ … လာ၊ ထ

အခုပဲ တစ်ယောက်ယောက်ဆီ ဖုန်းခေါ်လိုက်။

ဒါမှမဟုတ် တစ်ယောက်ယောက်နဲ့ သွားတွေ့လိုက်။

သွန်းနေစိုး Thorn Nay Soe

ပြောချင်တဲ့စကားလေးတွေ

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s